Zəmanət xidmətinə istehsalçının zavod tərəfindən müəyyən edilmiş istismar qaydalarına riayət etməsi şərti ilə istehsal prosesi zamanı yaranan zavod qüsurlarının ödənişsiz aradan qaldırılması aid edilir. Məhsulların zəmanət müddəti və zamanət müddətindən sonrakı xidmətləri, müvafiq səlahiyyətlərə malik olan xüsusi servis mərkəzlərində həyata keçirilir.
Lazımi keyfiyyətli qeyri-ərzaq malı öz formasına, ölçüsünə fasonuna, rənginə görə istehlakçıya yaramırsa və ya digər səbəblərə görə təyinatı üzrə istifadə oluna bilməzsə, istehlakçı onu alındığı yerdən malın alınma günü sayılmamaq şərti ilə 14 gün ərzində lazımı keyfiyyətli mala dəyişdirmək hüququna malikdir. Əgər məhsul gigiyena sinfinə aiddirsə, məhsul istifadə olunduğu halda və ya üzərində heç bir qüsur aşkarlanmasa belə, məhsulun qaytarılması həyata keçirilmir.
Eyni zamanda malı dəyişdirmə anında satışda uyğun mal yoxdursa, istehlakçının dəyəri yenidən hesablamaqla, istənilən başqa bir malı almaq və ya qaytarılan malın dəyəri məbləğində pulu götürmək, ya da satışa uyğun mal gələn kimi onu dəyişdirmək hüququ vardır.
“Music Gallery” mağazalar şəbəkəsindən alınan bütün məhsulların zəmanət müddəti istehsalçı şirkətin müəyyən etdiyi və alınan məhsulun növündən asılı olaraq 12 (on iki) aydan 24 (iyirmi dörd) ayadək təşkil edir.
- 1. Zəmanət “Music Gallery” mağazalar şəbəkəsində alınan bütün məhsullara şamil olunur.
- 2. Zəmanətli təmir (xidmət) müəyyən edilmiş qaydada, düzgün tərtib edilmiş zəmanət talonu təqdim edildikdə həyata keçirilir. Zəmanət talonu təqdim edilmədiyi halda avadanlıq təmirə qəbul edilmir.
- 3. Avadanlığın servisə çatdırılması və geri qaytarılması alıcının şəxsi hesabına və şəxsi nəqliyyat vasitəsilə həyata keçirilir. Paltaryuyan maşın, soyuducu, qabyuyan maşın, 42 düym və daha böyük ölçülü texnika servis mərkəzinin şəxsi nəqliyyat vasitəsilə çatdırılır.
- 4. Müvafiq təmir sənədləri və ehtiyat hissələri olduğu halda zəmanətli təmirin maksimal müddəti 14 iş günü təşkil edir. Müvafiq ehtiyat hissələri sifariş olunduğu halda isə təmir müddəti 40 iş gününə qədər uzadıla bilər.
- 5. Zəmanətli xidmət aşağıdakı hallarda yerinə yetirilmir:
- 1. Təlimat və istismar şərtlərinə riayət olunmaması səbəbindən əmələ gəlmiş nasazlıqlar və həmçinin ev-məişət avadanlıqlarının təyinatı üzrə istifadə edilmədiyi zaman (ofislərdə, xəstəxanalarda, restoranlarda və s. istifadə zamanı);
- 2. Zəmanət müddəti bitdiyi zaman (avadanlıq zəmanətdən sonrakı tarif üzrə təmir edilir);
- 3. Zəmanəti sübut edən sənəd olmadıqda;
- 4. “Music Gallery” mağazalar şəbəkəsindən alınmayan məhsulların təqdim edildiyi halda;
- 5. Elektrik şəbəkəsində əmələ gəlmiş nasazlıqlar səbəbi ilə (qısaqapanma, cərəyanın qeyri-stabil olması və s. hallarında);
- 6. Həm daxilində, həm də xaricində mexaniki zədələnmələr baş verdiyi zaman, həmçinin səlahiyyətsiz açılma və yaxud öncədən təmir etmə izləri olduqda;
- 7. Avadanlığın içərisinə kənar əşyalar və yaxud mayenin düşdüyü təqdirdə əmələ gəlmiş nasazlıqlar zamanı.
- 6. Zəmanətli təmir aşağıdakılara şamil edilmir:
- 1. Adapter və kənar cərəyan mənbələrinin digər elementlərinə, daxili elektrik, kimyəvi cərəyan mənbələrinə (batareya və akkumulyator), birləşdirici naqillərin daxili və kənar zədələnmələrinə;
- 2. Kanal və mikşer pultları kimi idarəetmə elementlərinə (əgər onların nasazlığı təbii istismar zamanı və ya istismar zamanı kirləndiyinə görə baş veribsə);
- 3. Dinamiklərə (əgər onların nasazlığı müəyyən edilmiş istismar normalarından artıq yüklənmə və ya mexaniki təsir ilə əlaqədar əmələ gəlmişdirsə);
- 4. Müxtəlif sərf edilən materiallara (qulaqlıqlar, maqnit elementləri, disklər, pultlar, mikrofonlar və s.)
- 5. Proqram təminatı və əməliyyat sistemlərinə, kartriclərə və çap başlıqlarına.
- 7. Servis mərkəzi və satıcı şirkət avadanlığın təbii hadisə, fəlakət və s. nəticəsində sıradan çıxmasına görə zəmanət təmiri üzrə məsuliyyət daşımır.
- 8. Təmir müddəti 14 (on dörd) iş günündən artıq olduqda zəmanət müddəti artırılır.
- 9. Təmiri mümkün olmayan avadanlıqların dəyişdirilməsi servis mərkəzinin rəyi əsasında həyata keçirilir.
- 10. Paltaryuyan və qabyuyan maşınlar, soyuducular, quruducular kimi avadanlıqlara zəmanət, yalnız quraşdırmanı “Music Gallery” servis mərkəzinin mütəxəssisləri tərəfindən həyata keçirildiyi təqdirdə verilir.
- 11. Zəmanət talonu itirildikdə nüsxəsi verilmir.
- 12. Zəmanətli təmir (xidmət) yalnız elektron musiqi alətlərinə şamil edilir (klaviona, sintezator, aktiv səsgücləndiricilər, mikşer, elektron barabanların prosessoru, mikrofonların qəbuledicisi). Elektron gitara və skripkalara zəmanət verilmir.
